منتدى ثورة التحرير 2011

تحيه وتقدير إلى شهداء ثورة مصر العظيمه وتحيــــــــــــــــــــــــــــــــــا مصـــــــــــــــــــر
منتدى ثورة التحرير 2011

مواطن بيحب مـــصـــــــــــــــــــــــــــــــــــــــــــــــــــــــــــــــــــــــــر

المواضيع الأخيرة

التبادل الاعلاني

احداث منتدى مجاني

    عجبى عليك يابلد

    شاطر
    avatar
    محمد مظلوم 2010
    مدير

    عدد المساهمات : 133
    السٌّمعَة : 3
    تاريخ التسجيل : 08/08/2010
    العمر : 47
    الموقع : http://aamss2010.7olm.org

    محمد الحماقى
    سياسه قوانين سياسه قوانين:

    عجبى عليك يابلد

    مُساهمة من طرف محمد مظلوم 2010 في الأحد 8 أغسطس 2010 - 8:10

    عجبى عليك يابلد
    الألم هد الجبال ولا حد بيتألم
    والضهر أنحنى محشوش الكتاف ولا حد بيتكلم
    والظلم أنتشر ويا الفساد ولا حد بيتعلم
    وعجـــــــــــــــــــــــــــــــــبــــــــى
    أه يابلد من الألم ولاحد قال يانى
    كرباج نازل ع الجسد والعجب نقول تانى
    أحتجاجات وأنتهاكات وظلم وتقول وأنا مالى
    اللقمه زلنى والهم محاوطنى فى مكانى
    وعجـــــــــــــــــــــــــــــــــبــــــــى
    تقرير حكومى بيقول كده حلوين
    وأحصاءات تقول مظبوط هيلين
    بالزمه دول معانا ياناس عايشين
    ولا علينا بالتأكيد ضحكين
    وعجـــــــــــــــــــــــــــــــــبــــــــى
    بقى هوه ياناس معقول
    أسره تعيش ب90جنيه ما أكلوش مفطوم
    وطابور عيش وأنبوبه ببون
    وغلاء فاحش وياه تلال هموم
    وعجـــــــــــــــــــــــــــــــــبــــــــى
    الألم واضح ومتأصل
    شالين الهم جبال ولابنفكر
    والخير فى بلدنا تلال ولا بنحصل
    ورجال أعمال هنا وهناك فى بلدنا بتكسر
    وعجـــــــــــــــــــــــــــــــــبــــــــى
    مسئول كبير بيقول عايشين
    فى عربيات أهم ركبين
    ميعرفش أنه خل سننا طين
    وفى الغلا عيمين
    حتى البنزين سعره مش لقين
    ده العربيه ذى تمام
    عايزه ميزانيه فوق الميزانيه كمان
    والتقسيط أهوه حقق الأحلام
    وعلشان بلدنا فضيه مش عارف أروح الديوان
    وعجـــــــــــــــــــــــــــــــــبــــــــى
    إنتخابات بيقول عليها حقيقيه
    حره نزيهه بدون بلطجيه
    لاء ومفهاش تزوير ولاسطجيه
    ومنجحه الحكومه بنسبه 99.9 فى الميه
    معقوله ياعم بطل فشر شويه
    وعجـــــــــــــــــــــــــــــــــبــــــــى
    لما بلدنا حلوه تمام
    والخير فيها يحمل جمال
    والأقتصاد فيها عال العال
    أمال الشعب ليه شكيان
    ومن الغلا كده زعلان
    ولا قصدك أنه شعب بياكل وينكر ذى القطط تمام
    وعجـــــــــــــــــــــــــــــــــبــــــــى
    لما أحنا كده قاعدين رضيين بالهوان
    وبرنضى ناخد حقنا أحسان
    وبنشكر ونحمد الرحمن
    يصح أما نفتح بقنا بكلمه يفتح لينا باب اللمان
    وعجـــــــــــــــــــــــــــــــــبــــــــى
    صبرنا وياما قولنا وزهقنا
    إصلاح سياسى بضمير يروقنا
    وعداله وحكمه من الهم تفوقنا
    لجل بلدنا مصر بالحب دى تسعنا
    ونعالى ونربى أولادنا وأحفادنا
    مسمعناش الكلام ودينا غرقنا
    وعجـــــــــــــــــــــــــــــــــبــــــــى
    كان نيلها بيفيض يغرقنا
    عملنا سد عالى وشيدنا
    وطوربين كهربا ينور لأودنا
    علشان نشعل وننمى مصانعنا
    وأذاعه مسموعه ومرئيه تفرحنا
    مره وحده النيل معدش مكفأنا
    والمصانع أتخصصت وشحاتنا
    والأقتصاد أنضرب ياخوتنا
    وعجـــــــــــــــــــــــــــــــــبــــــــى
    كهربا وميا وتليفون ونظافه وضرايب دفعين
    مأكل ومسكن وملبس ياسنين طين
    أجيب منين ياعالم دول يادوب ملطوشين
    وأن نادينا بزياده عشر ولا عشرين
    يجيوا عشره تعلا الأسعار ستين سبعين
    الكيلو الحمه بقى بتسعين
    والفرخه البيضه أسعارها مش عارف رايحه لفين
    حتى فى الصحه ماهماش رحمين
    والعلاج على نفقه الدوله وقفلين
    والمصيبه اللى أنتخبناهم بالصحه كمان متاجرين
    وعجـــــــــــــــــــــــــــــــــبــــــــى
    الغالى مش عايز يخف عليه
    ماهوش شبعان من الغلب اللي فيه
    فكر فكيره ونازلى ضرايب عقاريه
    علشان يلم القرسين الضاعوا فالبورصه اللى هيه
    ياأخى هيه الشيله نقصه مناحيه
    أرحمنا يرحمك ربنا شويه
    وعجـــــــــــــــــــــــــــــــــبــــــــى
    أرض مصر وأدينا بعناها
    وحده وحده كده قسمناها
    ع الكبارأصحاب الثقه فرقنها
    متر بمتركده ضيعناها
    أرض مصر فى مارينا والرحاب ومدنتى حطناها
    ورجال أعمال بالفهلوه لجيوبهم ترعاها
    والشعب حافى القدم عارى الجسد بيلف ويجرى وراها
    وعجـــــــــــــــــــــــــــــــــبــــــــى
    أبنى مش عارف مصير ألقاه
    ما بين الفساد والمسحوبيه عقله تاه
    مركب عمره مجدفها وشراعها نار الحياه هلكاه
    لا عاد عارف يتجوز ولا له مسكن ومصدر رزق ياولداه
    معدش قدامه غير الحشيش والبانجو بيخلى مخه وراه
    أو مطوه يمسكها حاسس بيها حقه لقاه
    ماهو شايف الكل بياخد حق غيره وشطانه علاه
    وعجـــــــــــــــــــــــــــــــــبــــــــى
    كل مصيبه وراها مصايب كتير
    هاج الشعب نعمله مطش كوره كبير
    يهدى الكل ويبطل تفكير
    كبرت قوى الآمن يضرب فى طويل وقصير
    وأصحاب الثقه ليهم فى طريق الفساد مشاوير
    والكلاب تنبح والقافله تسير
    وعجـــــــــــــــــــــــــــــــــبــــــــى
    تلات أسباب يخلو الناس عيشين
    صحه قويه وأقتصاد وضح وتعليم متين
    الصحه وماعدناش فى مؤسساتها وثقين
    أقتصاد نشهدله بأن الغلا خلا سننا طين
    التعليم متخرجين الربع متعلم وتلات تربع جهلين
    ماعرفش ياناس مصر بلدنا رايحه لفين
    ما بين الغلا والفساد الكل غرقانين
    وعجـــــــــــــــــــــــــــــــــبــــــــى
    أحزاب كتيره مش شيقين
    غير المصالح وللنفاق مشين
    اتفاقات من تحت الطربيزه وفى الصفاقات ديرين
    أسمع كلمهم يعجبني ويخدنى ألحنيين
    أشوف أمورهم أستعجب من اللي عملين
    ومره يتحدوا متفقين
    وفجاه يتعاركوا متفرقين
    والشعب واقف يتفرج محترين
    يثقوا في اللي بيعرضوا ولا يقفوا مع الوطنيين
    والحدقة يفهم ما كلنا حدقيين
    وعجبــــــــــــــــــــــــــــــــــــــــــــــــــــــــــي
    حكومه ومش عارفه تدرها
    متسبها لحد من البيفهم غيرها
    وألف شكر بنفس راضيه على ما بدر منها
    ولا مصر ياناس نقص هموم تشيلها
    من خصخصه خربت بتها
    لرجال أعمال نهبته خيرها
    ده الكل بيصروخ إنساها حيوانها طيرها
    فلاحها أرضها عمالها نيلها
    بالمسيره فى طريقهم على جسد البشر ومش رحمينها
    وعجـــــــــــــــــــــــــــــــــبــــــــى
    مجتمع دولى عالمى وركبنا
    من هنا لهناك تملى يودينا ويجبنا
    متحكم فى عقولنا وقوتنا وصحتنا وجيوبنا
    بعد ما كان لينا شنه ورنه وياما قودنا
    بقينا نسمع الأوامر ونصدر لعدونا غازنا
    يطورو مصانعه الزريه والحربيه ومن قوتنا يحاربنا
    ده القوى بيسمد قوته منا لو ضعفنا
    والعلماء فى بلدنا كتير مع أبحاثنا
    وكتير من الجوايز إجتازنا
    وفى نصر أكتوبر بالقوه والدهاء علمنا ودرسنا
    لكن علشان فشلنا الحالى تملى بنحنى فى رؤسنا
    وعجـــــــــــــــــــــــــــــــــبــــــــى
    حسبى الله ونعم الوكيل ياناس
    على كل ذى ضمير حقير بدون أحساس
    جودت ياما حزر وقال تقارير بها علقم مرار الكاس
    حط أيد على الفساد وفى جرحنا فحر وداس
    كشف المستور أدام مجلس من المفروض أنتخبته الناس
    لكن الودان قفلت كأن الكلام بدون أساس
    وعلشان المصالح الفرديه قطعوا القلوب والحسد بفاس
    ما رحموا عقولنا والحقيقه تحت المداس
    ما خلاص يا عالم أنتهت والفاس وقعت فى الراس
    وعجـــــــــــــــــــــــــــــــــبــــــــى
    فيها إيه لما الفاسد نلقاه ونعقبوا
    والعرب لجل العروبه يتحدوا
    ويعملوا سوق تحاريه ويتجروا
    وكمان عمله موحده ويتنفسوا
    لكن القاده كل واحد خايف على عرشه
    وتملى من الفساد عرشه يهتز تحته
    والمجتمع الدول عنده طمع فى أرضوا
    ومحضر له ملفات كتير فيها زللوا
    ومن قبل علقوا قائد أمامهم وضحوا
    والزعامه فى ناصر لما بالحب أجتمعوا
    الكل كان خايف وتملى للعرب يحتزروا
    وعجـــــــــــــــــــــــــــــــــبــــــــى
    وأخيرا يامصر لكى الله يحميك
    من الفاسد والمحسوبيهوالظلم يشفيك
    وتعلى فوق الكل وتنتصرى على أعديك
    وربنا قال بعد الهم فرج يرضيك
    ويفرح أبنك وبسواعده يبنيك
    وأقول للفاسد خد قارون قدوه ليك
    وربنا يبارك فيما أخذته هذا عقاب فيك
    وكفايه عقابك فى الأخره نار تشويك
    وعجـــــــــــــــــــــــــــــــــبــــــــى
    كتبها/ محمد الحماقى
    وشهرته محمد المظلوم
    فى 8/8/2010
    إهداء إلى من أخاف على مستقبلهم أبنتى علا وعليا
    ـــــــــــــــــــــــــــــــــــــــــــــــــــــــــــــ

      الوقت/التاريخ الآن هو الجمعة 22 سبتمبر 2017 - 10:59